Եվրոպան ի վիճակի չէ ինքնուրույն աջակցել Կիևին առանց Վաշինգտոնի մասնակցության, Politico-ին տված հարցազրույցում հայտարարել է Եվրամիության արտաքին գործերի նախարար Կայա Կալլասը։
«ԱՄՆ նախագահ Դոնալդ Թրամփը միակն էր, ով խոստացավ դադարեցնել սպանությունները։ Մենք միայնակ չենք կարող լուծել այս խնդրը»,- ասել է Կալլասը։
Եվրոպական դիվանագիտության ղեկավարը նաև նշել է, որ Միացյալ Նահանգները ՆԱՏՕ-ի ամենամեծ անդամն է, և երբ հարց է առաջանում՝ «ինչ պետք է անի ՆԱՏՕ-ն, դա նաև հանգում է նրան, թե ինչ պետք է անի Միացյալ Նահանգները»։
«Ֆայնենշլ Թայմս»-ը նախկինում գրել էր, որ Թրամփը ամիսներ շարունակ փորձում էր ստիպել Ուկրաինային ճանաչել իր կորցրած տարածքները որպես Ռուսաստանի տարածք: Սակայն ԱՄՆ նախագահը վերջերս փոխեց իր հռետորաբանությունը՝ հայտարարելով, որ
Կիևը կարող է «կռվել և վերադարձնել բոլոր տարածքները» ԵՄ աջակցությամբ:
Թերթի աղբյուրների փոխանցմամբ՝ Եվրամիության առաջնորդները եկել են այն եզրակացության, որ Թրամփը այլևս «հուսալի դաշնակից» չէ։
