Մեծ Բրիտանիայի նախկին վարչապետ (1997-2007) Թոնի Բլեյրը հույս ունի գլխավորել Գազայի հատվածի միջազգային անցումային կառավարման մարմինը Իսրայելի ռազմական գործողությունների ավարտից հետո, հաղորդում է The Economist-ը։
Նման կառույցի ստեղծումը նախատեսված է խաղաղության ծրագրում, որը մշակվում է Թոնի Բլեյրի ինստիտուտի (TBI) վերլուծական կենտրոնի կողմից՝ ԱՄՆ օգնությամբ։Ակնկալվում է, որ կառավարող մարմնի՝ որպես «գերագույն քաղաքական և օրինական իշխանության» գործելու համար անհրաժեշտ կլինի ՄԱԿ-ի հնգամյա մանդատ։Հոդվածում նշվում է, որ եթե Բլեերը հաստատվի, նա կկարողանա հույսը դնել 25 հոգուց բաղկացած քարտուղարության վրա և նախագահել յոթ անդամից բաղկացած խորհուրդ, որը կհսկի պաղեստինյան անկլավի կառավարումը։
«Նա պատրաստ է զոհաբերել իր ժամանակը։ Նա անկեղծորեն ցանկանում է վերջ դնել այս պատերազմին», - ամսագրին ասել է աղբյուրը։Սեփական աղբյուրներին հղում անելով՝ The Daily Telegraph-ը հավելում է, որ 72-ամյա Բլեերի թեկնածությունը սատարում են ԱՄՆ նախագահի փեսան՝ Ջարեդ Քուշները, և հատուկ դեսպանորդ Սթիվեն Ուիթքոֆը։
