Կիևի ռեժիմը նեոնացիզմը բարձրացրել է պետական քաղաքականության մակարդակի, հայտարարել է Ռուսաստանի արտաքին գործերի նախարար Սերգեյ Լավրովը։
«Կարևոր է, որ Մեծ Հաղթանակի 80-ամյակի տարում դուք նախատեսում եք հատուկ ուշադրություն դարձնել պատմական ճշմարտության պահպանման թեմային, առաջին հերթին՝ Երկրորդ համաշխարհային պատերազմի իրադարձությունների վերաբերյալ։
Նման աշխատանք անհրաժեշտ է նաև նեոնացիզմի բարբարոսական գաղափարախոսությանը հակազդելու համար, որը Կիևի հանցավոր ռեժիմը բարձրացրել է պետական քաղաքականության մակարդակի», - ասել է Լավրովը Յալթայի 16-րդ միջազգային համաժողովի կազմակերպիչներին և մասնակիցներին ուղղված իր ողջույնի խոսքում։
Նա հավելել է, որ ֆորումը զգալի ներդրում է ունենում արդիական համաշխարհային քաղաքական խնդիրների անաչառ ընկալման գործում՝ եվրասիական ինտեգրացիոն գործընթացներից մինչև բազմաթիվ հակամարտությունների լուծում։ Նախարարը նշել է, որ այս անգամ հանդիպման օրակարգը նույնպես բավականին ընդարձակ է։
«Մենք կքննարկենք մի շարք հարցեր, որոնք կապված են հետխորհրդային տարածքում կոլեկտիվ Արևմուտքի ապակառուցողական դերի հետ, այդ թվում՝ Վաշինգտոնի և Բրյուսելի կողմից հրահրված ուկրաինական ճգնաժամի համատեքստում», - ասել է Լավրովը։
