Նյու Յորքում ՄԱԿ-ի գլխավոր քարտուղար Անտոնիո Գուտերեշի հետ հանդիպման ժամանակ Ղազախստանի նախագահ Կասիմ-Ժոմարտ Տոկաևը հայտարարել է, որ երկիրը կաջակցի ՄԱԿ-ին և կօգնի նրան խաղաղության ամրապնդման գործում: Այս մասին հայտնել է Ղազախստանի ղեկավարի մամուլի ծառայությունը:
«Ղազախստանի նախագահը և ՄԱԿ-ի գլխավոր քարտուղար Անտոնիո Գուտերեշը քննարկել են ՄԱԿ-ի Գլխավոր ասամբլեայի նստաշրջանի օրակարգը։ Կասիմ-Ժոմարտ Տոկաևը հաստատել է, որ Ղազախստանը կշարունակի աջակցել կազմակերպությանը և ակտիվորեն առաջ մղել նրա կենտրոնական դերը խաղաղության, կայունության և կայուն զարգացման ամրապնդման գործում», - նշել են մամուլի ծառայությունում։
Հանդիպման ընթացքում, Տոկաևի և Գուտերեշի ներկայությամբ, ստորագրվել է ՄԱԿ-ի Կենտրոնական Ասիայի և Աֆղանստանի Կայուն զարգացման նպատակների տարածաշրջանային կենտրոնի գործունեության վերաբերյալ հուշագիր։
Ղազախստանի նախագահը սեպտեմբերի 21-23-ը աշխատանքային այցով գտնվում է Նյու Յորքում: Նախատեսվում է նրա ելույթը ՄԱԿ-ի Գլխավոր ասամբլեայի 80-րդ նստաշրջանի ընդհանուր քննարկումներում:
