Հնդկաստանի ռազմաօդային ուժերը քննարկում են ռուսական Սու-57 հինգերորդ սերնդի կործանիչներ գնելու, ինչպես նաև դրանք երկրում արտադրելու հեռանկարը, հաղորդում է The Print-ը՝ հղում անելով աղբյուրներին։
Հրատարակության տվյալներով՝ Հնդկաստանը ուսումնասիրում է Ռուսաստանից առնվազն երկու էսկադրիլիա Սու-57-ներ գնելու հնարավորությունը և վերլուծում է դրանք Հնդկաստանում արտադրելու ռուսական առաջարկը, ինչպես դա տեղի ունեցավ ավելի վաղ արտադրված ՄիԳ և Սու-30 ՄԿԻ ինքնաթիռների դեպքում։
Եթե առաջարկն ընդունվի, հնդկական պետական «Հինդուստան Աերոնաութիքս Լիմիթեդ» (HAL) ընկերությունը կմիավորվի ռուսական «Սուխոյի» հետ և ինքնաթիռը կարտադրի Հնդկաստանում՝ իր Նաշիկի գործարանում, հայտնել են աղբյուրները։ ««Սուխոյն» արդեն իսկ ունի հաստատված աշխատանքային հարաբերություններ HAL-ի հետ։ Սու-57-ը կհեշտացնի գործընթացը», - նշել է նա։
