TikTok-ի հետ կապված գործարքը կստորագրվի այս շաբաթ, որից հետո հարթակը հիմնականում կփոխանցվի ամերիկացի ներդրողներին, երկուշաբթի օրը հայտարարել է Սպիտակ տան մամուլի քարտուղար Քերոլայն Լևիթը։
«ԱՄՆ նախագահ Դոնալդ Թրամփն այս շաբաթվա վերջում կստորագրի համաձայնագիրը, պաշտոնական համաձայնագիրը։ Դրա պայմանների համաձայն՝ TikTok-ը մեծամասնությամբ կպատկանի ամերիկացի ներդրողներին և կվերահսկվի ազգային անվտանգության և կիբերանվտանգության ոլորտում մեծ փորձ ունեցող տնօրենների խորհրդի կողմից՝ ԱՄՆ կառավարության հետ համագործակցությամբ», - ասել է Լևիթը ճեպազրույցի ժամանակ։
