Իսրայելը կպայքարի Պաղեստինի պետականության ճանաչման դեմ, հայտարարել է Իսրայելի վարչապետ Բենիամին Նեթանյահուն, հաղորդում է ՏԱՍՍ-ը ։
«Մենք ստիպված կլինենք պայքարել թե՛ ՄԱԿ- ում , թե՛ մյուս բոլոր հարթակներում մեր դեմ ուղղված զրպարտչական քարոզչության և պաղեստինյան պետություն ստեղծելու կոչերի դեմ, որոնք կսպառնան մեր գոյությանը և կդառնան ահաբեկչության համար անհեթեթ պարգև», - ասաց նա։
Սեպտեմբերի 21-ին Կանադայի կառավարությունը ճանաչեց Պաղեստինի պետականությունը։ Ավստրալիան և Մեծ Բրիտանիան նույնպես ճանաչեցին Պաղեստինը։
Մեկ օր առաջ Ֆրանսիայի նախագահ Էմանուել Մակրոնը հայտարարեց, որ երկրի իշխանությունները սեպտեմբերի 22-ին կճանաչեն Պաղեստինը։ Նա ասաց, որ այս որոշումը տեղավորվում է տարածաշրջանի համար ավելի լայն խաղաղության ծրագրի մեջ։
