Թուրքիայի Անթալիա նահանգում ափին մոտեցող անտառային հրդեհի պատճառով արդեն տարհանվել են 150 տան բնակիչներ, հայտնել են տեղական իշխանությունները։
Ալանիա հանգստավայրի մոտ գտնվող Ալիեֆենդի շրջանում ուրբաթ գիշերը անտառային հրդեհ է բռնկվել, որի հետևանքով տարհանվել են տարածքի 100 տների բնակիչներ։
«Հրդեհը տարածվում է, և բնակելի շենքերը վտանգի տակ են։ Մենք տարհանել ենք Քարգըջակ շրջանում գտնվող մոտ 50 առանձնատների բնակիչներին», - «Միլլիեթ» թերթը մեջբերում է շրջանի տեղական ինքնակառավարման մարմնի պաշտոնյա Մուամմեր Ասիլթուրքի խոսքերը։
Հինգ շրջաններ այժմ կրակի մեջ են՝ Ալիեֆենդի, Իսփաթլի, Քոջաօղլանլի, Իշաքլի և Կարգիչակ։
«Հյուրանոցներում հանգստացող զբոսաշրջիկները հետևում են, թե ինչպես են ուղղաթիռները մարում հրդեհը», - գրում է հրատարակությունը։
Ալանիայի քաղաքապետ Շաքիր Օզթուրքը նախկինում հայտնել էր, որ հրդեհի հետևանքով զոհեր չկան։
