ԱՄՆ առողջապահության և մարդկային ծառայությունների նախարարության փորձագետները պարզում են, թե արդյոք Վաշինգտոնում կալանավորված անձինք անօրինական կերպով դաշնային նպաստներ են ստացել, հաղորդում է Reuters-ը։
Հետաքննությունը վերաբերում է ԱՄՆ նախագահ Դոնալդ Թրամփի կողմից Վաշինգտոնում նախաձեռնված «խորը հետախուզություն» գործողության ընթացքում նախկինում ձերբակալված ավելի քան 2000 անձանց։ Գործակալությունը նշում է, որ պարզ չէ՝ նրանցից որևէ մեկին մեղադրանք է առաջադրվել խարդախության համար, թե ոչ։
Օգոստոսին Թրամփը դաշնային վերահսկողություն ստանձնեց Վաշինգտոնի ոստիկանական վարչության նկատմամբ և քաղաքի փողոցներ տեղակայեց դաշնային իրավապահ մարմինների և Ազգային գվարդիայի զորքեր։
Քաղաքում բռնի հանցագործությունների մակարդակը 2023 թվականին աճել է, սակայն 2024 թվականին նվազել է 35%-ով, իսկ 2025 թվականի առաջին յոթ ամիսներին՝ ևս 26%-ով։ Գործակալությունը հիշեցնում է, որ այս շաբաթ Թրամփը հայտարարեց գործողությունը այլ քաղաքներում կրկնելու իր մտադրության մասին։
