Էստոնիայում մեկնարկել են «Պիկնե» («Կայծակ») զորավարժությունները, որոնց մասնակցում են ՆԱՏՕ-ի անդամ երկրների զինծառայողները, և որոնք կտևեն երկու շաբաթ: Այս մասին հաղորդում է Էստոնիայի ազգային հեռարձակող ընկերությունը (ERR)՝ հղում անելով Էստոնիայի պաշտպանության ուժերին:
Զորավարժություններին կմասնակցի մոտ 3000 զինծառայող՝ ԱՄՆ-ի, Մեծ Բրիտանիայի, Ֆրանսիայի, Կանադայի, Լատվիայի և Էստոնիայի ցամաքային, օդային և ռազմածովային ստորաբաժանումներից։
Հիմնական գործողությունները տեղի կունենան Բալթյան հանրապետության հյուսիսային, արևմտյան և արևելյան մասերում: Այս գործողությունների շրջանակներում դաշինքի դաշնակիցների ստորաբաժանումները կկիրառեն ուժերի արագ տեղակայման մեխանիզմներ պոտենցիալ հակամարտության գոտի և սպառնալիքներին համատեղ արձագանքելու համար:
Գերատեսչությունը նշել է, որ վարժանքները պաշտպանական բնույթ են կրում։
