BRICS-ի գագաթնաժողովի մասնակիցները հռչակագիր են ընդունել

BRICS-ի երկրները Կազանում կայացած գագաթնաժողովի արդյունքներով հռչակագիր են ընդունել։ Այս փաստաթուղթը որպես համատեղ հայտարարություն կներկայացվի ՄԱԿ-ին։

«Կա՞ն առարկություններ կամ մեկնաբանություններ այս հռչակագրի առնչությամբ, - ընդլայնված կազմով հանդիպումից հետո ՌԴ նախագահը հարցրել է իր գործընկերներին,– Եթե ​​ոչ, ապա առաջարկում եմ հռչակագիրը համարել ընդունված»։ «Ցանկանում եմ նշել, որ մենք նախատեսում ենք տարածել այն [BRICS գագաթնաժողովի Կազանյան հռչակագիրը] որպես մեր ընդհանուր համատեղ փաստաթուղթ»,- ասել է Պուտինը՝ ամփոփելով գագաթնաժողովի ընդլայնված  կազմով նիստը։

ՌԴ նախագահը նշել է, որ BRICS-ի գագաթնաժողովի մասնակիցներն ընդունել են հռչակագիր, որը պարունակում է աշխարհում իրադրության վերաբերյալ ընդհանուր գնահատականներ և երկարաժամկետ հեռանկարների համար նպատակներ։

Հռչակագրում, մասնավորապես, ասվում է.

«Ընդհանուր շահերի վրա հիմնված համագործակցության ընդլայնման և ռազմավարական գործընկերության հետագա զարգացման կարևորության մասին,

. հիշեցվել է ազգային դիրքորոշումները Ուկրաինայում և նրա շուրջ ստեղծված իրավիճակի վերաբերյալ,

. մտահոգություն է հայտնվել համաշխարհային տնտեսության վրա անօրինական պատժամիջոցների բացասական ազդեցության վերաբերյալ,

. կոչ է արվել գլոբալ գործընթացներում առավել քիչ զարգացած երկրներին, հատկապես՝ Աֆրիկայից, տալ ավելի մեծ մասնակցության հնարավորություն,

.ողջունվել է գլոբալ Հարավի երկրների զգալի հետաքրքրությունը միավորման նկատմամբ,

. նշվել են ուկրաինական հակամարտությունը երկխոսության միջոցով խաղաղ կարգավորման միջնորդական առաջարկները,

. մտահոգություն է հայտնվել Սուդանում բռնության սրման և հումանիտար ճգնաժամի վատթարացման կապակցությամբ և կոչ է արվել դադարեցնել կրակը,

. վերահաստատել են իրենց հավատարմությունը բազմակողմանիությանը և միջազգային համակարգում ՄԱԿ-ի կենտրոնական դերի պահպանմանը,

. ընդգծվել է տնտեսական գործընկերության ռազմավարության շարունակման կարևորությունը բոլոր ոլորտներում մինչև 2025 թվականը,

. հաստատվել է աջակցությունը ՄԱԿ-ի՝ ներառյալ Անվտանգության խորհրդի համապարփակ բարեփոխումներին՝ նրա ներկայացուցչականությունը բարձրացնելու համար,

. ողջունվել է ազգային արժույթների օգտագործումը ասոցիացիայի երկրների և նրանց առևտրային գործընկերների միջև ֆինանսական գործարքներում,

. դեմ են արտահայտվել կլիմայի փոփոխության դեմ պայքարի պատրվակով ներդրված միակողմանի միջոցառումներին,

.դատապարտվել են հարձակումները ՄԱԿ-ի աշխատակիցների վրա և սպառնալիքները նրանց անվտանգությանը, և կոչ է արվել Իսրայելին անհապաղ դադարեցնել նման գործողությունները,

. ողջունվել է Հաիթիի Անցումային նախագահական խորհրդի ստեղծումը և ընտրական խորհրդի ստեղծումը՝ ճգնաժամը կարգավորելու համար,

. հաստատվել է ԱՀԿ բարեփոխումներին աջակցելու միջոցառումների վերաբերյալ ընդունված որոշումը,

. կոչ է արվել բարեփոխել Բրետտոն Վուդսի ինստիտուտները՝ հաշվի առնելով զարգացող երկրների ներկայացուցչության աճը։