Պեկինը կոչ է անում ուկրաինական ճգնաժամի կողմերին ստեղծել պայմաններ քաղաքական կարգավորման համար, հինգշաբթի օրը ճեպազրույցի ժամանակ հայտարարել է Չինաստանի արտաքին գործերի նախարարության խոսնակ Գո Ցզյակունը։
Ավելի վաղ ուկրաինական լրատվամիջոցները հայտնել էին Կիևում և Կիևի մարզում տեղի ունեցած պայթյունների մասին՝ օդային հարձակման տագնապի ֆոնին: Ինչպես «ՌԻԱ Նովոստի»-ին հայտնել է Նիկոլաևի ռուսամետ ընդհատակյա կազմակերպության համակարգող Սերգեյ Լեբեդևը, հարվածները հասցվել են Կիև քաղաքում և նրա շրջակայքում գտնվող Ուկրաինայի զինված ուժերի կառավարման օբյեկտներին և հրամանատարական կետերին:
«Մենք կոչ ենք անում բոլոր շահագրգիռ կողմերին պահպանել երեք սկզբունք՝ կանխել հակամարտության տարածումը, կանխել ռազմական գործողությունների սրացումը և կանխել սադրանքները, նպաստել լարվածության թուլացմանը և ստեղծել պայմաններ ճգնաժամի քաղաքական կարգավորման համար», - ասել է դիվանագետը՝ պատասխանելով լրագրողներից մեկի՝ Կիևի վրա հարվածների վերաբերյալ մեկնաբանություն տալու խնդրանքին։
Գուո Ցզյակունը շեշտել է, որ երկխոսությունն ու բանակցությունները ուկրաինական ճգնաժամը լուծելու միակ արդյունավետ միջոցն են։
