Լրագրող Մանուել Թամազյանը իր ֆեյսբուքյան էջում ահազանգում է, որ հաշմանդամություն ունեցող անձանց տրամադրվող պետպատվերը կրկին սառեցվել է։
Նա, մասնավորապես, գրել է․
«Հաշմանդամություն ունեցող անձանց տրամադրվող պետպատվերը կրկին սառեցվել է, Առողջապահության նախարարության թեժ գիծը ստում է, ասելով, պետպատվերը կա, բայց միայն փոքր երեխաների համար, ինձ ուղղորդում են այլ բժշկական կենտրոն ու իմ շատ կտրուկ արձագանքին հեռախոսի մյուս կողմում նստած տիկինը ասում է «Երկարացնում եք երիտասարդ, ֆսյո» ու անջատում հեռախոսը Առանց այդ էլ պետպատվերը դարձրել են տարին 2 անգամ, հիմա այդ երկու անգամն էլ են սառեցնում, չեն պատկերացնում դրա հետևանքները։
Հաշմանդամություն ունեցող անձանց անհրաժեշտ է ստաբիլ վերականգնողական կուրս, ու դրա բացակայությունը կարող է մեղմ ասած բացասական հետևանքներ ունենալ։ Անհասկանալի գործունեություն ծավալող չինովնիկներին պարգևավճար տալու համար միշտ բյուջեում գումար կա, հերթը հասնումա հաշմանդամություն ունեցող անձանց, բյուջեում գումար չկա։ Ես ու ինձ նման շատերը ուզում ենք գնալ մեզ համար վստահելի կենտրոն, որտեղ կան տարիների փորձ ունեցող ու պրոֆեսիոնալ մասնագետներ, իսկ թեժ գիծը մեզ ասում ա գնացեք էս բժշկական կենտրոն էն բժշկական կենտրոն, բացահայտ ուղղորդում են մարդկանց։ Ես որպես հաշմանդամություն ունեցող անձ գնալու եմ միայն իմ կողմից վստահելի բժշկական կենտրոն ու անելու եմ ամեն բան, որ վերականգնվեն իմ ու իմ նման շատ հաշմանդամություն ունեցող անձանց վերականգնողական բուժում ստանալու իրավունքը»։
