ՀՀ-ն ու Արժույթի միջազգային հիմնադրամը համաձայնություն են եկել Պահուստային ծրագրի վերանայման հարցով

22.10 15:29 | Կատեգորիա Տնտեսական

Հայաստանի Հանրապետությունն ու Արժույթի միջազգային հիմնադրամն աշխատանքային մակարդակի համաձայնություն են ձեռք բերել Պահուստային ծրագրի չորրորդ վերանայման ուղղությամբ:

Այս մասին հաղորդագրություն է տարածել Հայաստանի ֆինանսների նախարարությունը:

«2024 թվականի սեպտեմբերի 18-ից հոկտեմբերը 1-ը կայացած Արժույթի միջազգային հիմնադրամի (ԱՄՀ) հայաստանյան առաքելության ու դրան հաջորդած քննարկումների արդյունքում աշխատանքային մակարդակի համաձայնություն է ձեռք բերվել ԱՄՀ աջակցությամբ իրականացվող եռամյա Պահուստային ծրագրի հերթական՝ չորրորդ վերանայման ուղղությամբ»,- նշված է գերատեսչության տարածած հաղորդագրության մեջ:

Ընդգծվում է, որ վերանայումն արձանագրում է ծրագրի ներքո ստանձնած պարտավորությունների արդյունավետ ու ժամանակին իրականացումը, ինչպես նաև վարվող մակրոտնտեսական քաղաքականության կայունությունն ու հուսալիությունը: ԱՄՀ փորձագետներն ակնկալում են, որ Հայաստանի տնտեսական աճի տեմպն ընթացիկ տարում կպահպանվի` 2024թ. համար կազմելով 6%` պայմանավորված ներքին պահանջարկով:

«Կառավարության կառուցվածքային բարեփոխումների օրակարգը պատշաճ կերպով կենտրոնացած է ներառական աճի հզորացման վրա՝ խթանելով աշխատանքի շուկային մասնակցությունը երիտասարդների, կանանց և խոցելի խմբերի շրջանում` ընդլայնելով դիվերսիֆիկացիան երկրի արտահանման զամբյուղում ու շուկաներում և բարելավելով գործարար միջավայրը: Այս նպատակներին հասնելը պահանջում է հստակ ու լիարժեք զբաղվածության և արտահանման ռազմավարությունների մշակում և իրականացում, կառավարման բարեփոխումների առաջնահերթությունների սահմանում, անվճարունակության շրջանակի արդիականացում և որակյալ ներդրումների աջակցմանն ուղղված ներդրումային խթանների ռացիոնալացում»,- նշել է ԱՄՀ հայաստանյան առաքելության ղեկավար Իվա Պետրովան:

Վերանայումը ենթակա է հաստատման ԱՄՀ գործադիր խորհրդի կողմից ս.թ. դեկտեմբեր ամսին, ինչի արդյունքում կառաջանա 24.5 միլիոն ԱՄՆ դոլարի (18.4 միլիոն ՀՓԻ) չափով փոխառու միջոցների հասանելիություն՝ ծրագրի ներքո հասանելի ընդհանուր գումարի ծավալը հասցնելով 122.7 միլիոն ԱՄՆ դոլարի (92 միլիոն ՀՓԻ): Ծրագիրն ունի կանխարգելիչ բնույթ, և փոխառու միջոցներն ուղղվելու են ապագա հնարավոր ցնցումների արդյունքում առաջացած տնտեսության արտաքին (վճարային հաշվեկշռի) ֆինանսավորման կարիքների բավարարմանը:

Ամենաշատ կարդացվածներ

ՔՊ–ական պատգամավորի դուստրը գաղտնի նկարել է դասախոսին. Ի՞նչ է կատարվել ԵՊՀ-ում (տեսանյութ)

28.10 22:06 | Կատեգորիա Քաղաքական

Ողբա՜մ ձեզ, երկիրը դարձրել են սոդոմ-գոմոր, իրենք առավոտից երեկո սրտիկներ ու պաչիկներ են ուղարկում (տեսանյութ)

28.10 21:00 | Կատեգորիա Քաղաքական

Որտե՞ղ են փնտրում 3-ամյա Տիգրանին․ Ցուցուլյանը մանրամասնում է

28.10 18:22 | Կատեգորիա Պատահարներ

«Խնձոր քաղելուց հետո եկել ենք տուն, տեսել՝ չկա երեխեն». կորած երեխայի զարմիկ (տեսանյութ)

30.10 21:52 | Կատեգորիա Հասարակություն

Կորած 3-ամյա Տիգրանի ընտանիքըի անդամների հետ անհրաժեշտ քննչական գործողություններ են իրականացվում

29.10 16:55 | Կատեգորիա Պատահարներ

«Վատը պետք չէ խոսել»․ հարևանները՝ 3-ամյա Տիգրանի ընտանիքի մասին․ Ծափաթաղում շարունակվում է որոնումները (տեսանյութ)

29.10 22:39 | Կատեգորիա Հասարակություն

Շոյգուն Արևմուտքին մեղադրել է Ռուսաստանը ոչնչացնելու ցանկության մեջ (տեսանյութ)

28.10 20:17 | Կատեգորիա Համաշխարհային

Դավիթ Համբարձումյանը Հայաստանի Հանրապետությունում կարևորագույն ֆիգուր է հանդիսանում. Փոխքաղաքապետ (տեսանյութ)

28.10 18:59 | Կատեգորիա Քաղաքական

Ժողովուրդն եկել է իր համայնքապետի ձայնը բարձրացնելու․ Դավիթ Համբարձումյանի աջակից (տեսանյութ)

28.10 18:43 | Կատեգորիա Քաղաքական

ՈՒՂԻՂ

Մուկն ու «Ձուկը» միախառնվել են. ԱԺ-ն նվագարկիչ ու սկավառակ է գնել պետբյուջեի հաշվին. «Ժողովուրդ»