Հարավային Կորեայի զինված ուժերի դիրքորոշումը մնում է անփոփոխ. ԿԺԴՀ-ն ապամոնտաժել է միջկորեական սահմանին գտնվող բարձրախոսներից մի քանիսը, հայտարարել է Կորեայի Հանրապետության Շտաբների պետերի միացյալ կոմիտեն (JCS):
Ավելի վաղ Կորեայի Աշխատավորական կուսակցության Կենտրոնական կոմիտեի վարչության պետի տեղակալ Կիմ Յո Չժոնը հայտարարել էր, որ Կորեայի Հանրապետության հետ սահմանին հյուսիսկորեական բարձրախոսների ապամոնտաժման մասին տեղեկատվությունը չի համապատասխանում իրականությանը, և ԿԺԴՀ-ն բարձրախոսները սահմանային գծից չի հեռացրել և չի էլ մտադիրվում դա անել։
«Մենք հաղորդել ենք մեր կողմից հաստատված փաստերը, և դրանք մինչ օրս նույնն են մնում։ Անկախ նրանից, թե ինչ է ասում մյուս կողմը, մենք պետք է հասկանանք, որ դրա հետևում կա որոշակի մտադրություն, և մենք չպետք է հեշտությամբ զիջենք դրան կամ այն համարենք ճշմարտություն», - ասել է Միացյալ շտաբների պետերի մամուլի ծառայության ղեկավար Լի Սունգ-ջունը։
Նա հավելեց, որ բանակը չի փոխել իր դիրքորոշումը և պնդում է շաբաթ օրը՝ օգոստոսի 9-ին արված իր հայտարարության վրա։
