Ինդոնեզիայի իշխանությունները 800 տոննա մարդասիրական օգնություն կուղարկեն ծանր վիճակում հայտնված պաղեստինցի ժողովրդին աջակցելու համար, հայտարարել է Ինդոնեզիայի ազգային օգնության գործակալության ղեկավար Նուր Ահմադը։
«Մենք պատրաստել ենք 800 տոննա օգնություն, որը օդային ճանապարհով կհասցնեն Ինդոնեզիայի ազգային զինված ուժերը՝ համագործակցելով Հորդանանի և Եգիպտոսի ռազմաօդային ուժերի հետ», - նրա խոսքերն է մեջբերում «Անտարա» լրատվական գործակալությունը։
Ինչպես նշել է գերատեսչության ղեկավարը, 80 տոննա քաշով բեռի առաջին խմբաքանակը պաղեստինյան ժողովրդին կհանձնվի օգոստոսի 17-ին, իսկ մնացածը՝ ավելի ուշ։
Օգոստոսի 7-ին Ինդոնեզիայի նախագահի մամուլի քարտուղար Հասան Նասբին հայտարարեց, որ ասիական երկրի իշխանությունները պատրաստ են խաղաղապահ ուժեր ուղարկել և մարդասիրական օգնություն հասցնել Գազայի հատված։
