Մեծ Բրիտանիայի վարչապետ Քիր Սթարմերը հինգշաբթի օրը իր նստավայրում կընդունի Վլադիմիր Զելենսկուն, ով Լոնդոն է ժամանել չհայտարարված այցով, հաղորդում է Sky News-ը՝ հղում անելով բրիտանական կաբինետին։
Հեռուստաալիքի տվյալներով՝ նրանց զրույցը նվիրված կլինի Ռուսաստանի նախագահ Վլադիմիր Պուտինի և ԱՄՆ առաջնորդ Դոնալդ Թրամփի միջև օգոստոսի 15-ին Ալյասկայում կայանալիք բանակցություններին։
Օգոստոսի 13-ին տեղի ունեցավ տեսակոնֆերանս՝ Թրամփի, Զելենսկու և Մեծ Բրիտանիայի, Գերմանիայի, Իտալիայի, Լեհաստանի, Ֆինլանդիայի և Ֆրանսիայի պետությունների և կառավարությունների ղեկավարների, ՆԱՏՕ-ի գլխավոր քարտուղարի, Եվրահանձնաժողովի և Եվրոպական խորհրդի նախագահների մասնակցությամբ։ Քաղաքական գործիչները քննարկեցին ռուս-ամերիկյան առաջիկա գագաթնաժողովը։
