Ռուսաստանի արտաքին գործերի նախարար Սերգեյ Լավրովը օգոստոսի 21-ին բանակցություններ կվարի Հնդկաստանի արտաքին գործերի նախարար Սուբրամանյամ Ջայշանկարի հետ, ով այցելելու է Ռուսաստան, հայտարարել է Ռուսաստանի արտաքին գործերի նախարարության տեղեկատվության և մամուլի դեպարտամենտի փոխտնօրեն Ալեքսեյ Ֆադեևը։
«Օգոստոսի 21-ին նախարարը բանակցություններ կվարի իր հնդիկ գործընկեր Ջայշանկարի հետ, որը պաշտոնական այցով կգտնվի Մոսկվայում՝ մասնակցելու առևտրատնտեսական, գիտական, տեխնիկական և մշակութային համագործակցության միջկառավարական ռուս-հնդկական հանձնաժողովի 26-րդ նիստին», - չորեքշաբթի օրը կայացած ճեպազրույցի ժամանակ ասել է Ֆադեևը։
Նա մանրամասնել է, որ արտաքին գործերի նախարարությունների ղեկավարները կքննարկեն երկկողմ օրակարգը և միջազգային ձևաչափերում փոխգործակցությունը։
