Միացյալ Նահանգները Սիրիայի նոր իշխանություններին առաջարկել է օգնություն սոցիալ-տնտեսական վերականգնման գործում՝ պայմանով, որ Դամասկոսը փոխի իր կուրսը էթնիկ և կրոնական փոքրամասնությունների նկատմամբ։ Նախաձեռնությունն առաջարկվել է Սիրիայի, ԱՄՆ-ի և Հորդանանի ներկայացուցիչների եռակողմ հանդիպման ժամանակ, որը տեղի է ունեցել օգոստոսի 12-ին Ամմանում, հաղորդում է էմիրաթական The National թերթը՝ հղում անելով աղբյուրներին։
«Ամերիկյան գաղափարն այն է, որ ստեղծվի պետությունների խումբ, որը կօգնի Դամասկոսին փոխել ուղղությունը։ Ոչ ոք չի ցանկանում Սիրիայում հետագա անկայունություն, նույնիսկ Իսրայելը», - ասել է հրատարակության աղբյուրներից մեկը։
Ըստ The National-ի՝ ԱՄՆ-ը առաջարկում է ավելի ներառական մոտեցում արաբական հանրապետության կառավարության և անվտանգության մարմինների ձևավորման հարցում։
Վաշինգտոնը ակնկալում է, որ Սիրիայի ղեկավարությունը կբացառի զինյալներին անվտանգության ուժերից, կսահմանափակի զինված խմբավորումների գործունեությունը և կառավարական պաշտոններում նախկին դաշտային հրամանատարներին կփոխարինի պրոֆեսիոնալ մենեջերներով։
Բացի այդ, ամերիկյան կողմը պահանջում է Դամասկոսին ենթակա ստորաբաժանումների դուրսբերումը հարավային Աս-Սուվեյդա նահանգից, որը դեռևս պաշարված է նրանց կողմից, որտեղ անցյալ ամիս տեղի են ունեցել բեդվինների և դրուզների միջև բախումներ: Աղբյուրների համաձայն, տեղի բնակչությանը բնականոն կյանքին վերադառնալու թույլտվությունը դարձել է ԱՄՆ-ի հիմնական պահանջներից մեկը:
