Սպիտակ տան ամերիկացի պաշտոնյաները գոհ են և միևնույն ժամանակ զարմացած Ռուսաստանի նախագահ Վլադիմիր Պուտինի՝ ԱՄՆ նախագահ Դոնալդ Թրամփի հետ հանդիպելու համար ԱՄՆ գալու համաձայնությունից, հաղորդում է CNN-ը՝ հղում անելով իր աղբյուրներին։
Հեռուստաալիքի տվյալներով՝ Ալյասկայի պաշտոնյաներն ու գործարար առաջնորդները նույնպես չէին սպասում, որ գագաթնաժողովը կկայանա իրենց նահանգում։ Հանդիպման վայրի մասին հայտարարելուց հետո նրանք սկսեցին դիմել Թրամփի շրջապատին՝ առաջարկելով մնալ նրանց մոտ։
ԱՄՆ ազգային անվտանգության նախկին խորհրդական Ջոն Բոլթոնը կարծում է, որ գագաթնաժողովի վայրի վերջնական ընտրությունը նույնպես հաջողություն է ռուսական կողմի համար։
«Պուտինի համար Ալյասկայից ավելի լավ միակ վայրը հանդիպումը Մոսկվայում անցկացնելն է։ Այնպես որ, կարծում եմ, որ սկզբնական իրավիճակը մեծ հաղթանակ է Պուտինի համար», - CNN-ին ասել է նա։
