Ադրբեջանն Ուկրաինային հատկացրել է 2 միլիոն դոլար մարդասիրական օգնություն, իսկ հրամանագիրը ստորագրել է երկրի նախագահ Իլհամ Ալիևը։
«Հրամանագրի համաձայն՝ Ուկրաինային մարդասիրական օգնություն ցուցաբերելու նպատակով Ադրբեջանի Հանրապետությունում արտադրված էլեկտրական սարքավորումների գնման և առաքման համար՝ Ադրբեջանի Հանրապետության պետական բյուջեով նախատեսված միջոցներից 2025 թվականի համար Ադրբեջանի Հանրապետության էներգետիկայի նախարարությանը Ադրբեջանի նախագահի պահուստային ֆոնդից հատկացվել է երկու միլիոն ԱՄՆ դոլար մանաթին համարժեք գումար», - ասվում է Ալիևի կայքում տարածված հայտարարության մեջ։
Հրամանագրում ընդգծվում է, որ «վերջին տարիներին Ուկրաինայում ստեղծված իրավիճակի կապակցությամբ» Ադրբեջանը մի քանի անգամ մարդասիրական օգնություն է ուղարկել նրան։
