Իսրայելական զորքերը գիշերային հարձակում են իրականացրել Սիրիայի հարավում գտնվող սահմանամերձ գյուղում՝ զենքի ապօրինի շրջանառությունը կանխելու համար, հայտնել է բանակի մամուլի ծառայությունը։
Այն հաստատել է, որ գործողությունը իրականացվել է Տարանջա գյուղի տարածքում: Զինվորականների խոսքով՝ խուզարկության արդյունքում ձերբակալվել է զենքի վաճառական:
«Հետախուզական տվյալների և նախնական դիտարկումների հիման վրա՝ վաճառականը ձերբակալվել և հարցաքննվել է, իսկ զորքերը բռնագրավել են տարածքում գտնվող զենքը», - ասվում է տեքստում:
Բանակը հիշեցրել է, որ 210-րդ դիվիզիայի ստորաբաժանումները դեռևս տեղակայված են Իսրայել-Սիրիա սահմանին և միջոցներ են ձեռնարկում «ահաբեկչական տարրերի Սիրիայում հենարան հաստատելը կանխելու համար»։ Իսրայելական կողմի խոսքով՝ դա արվում է «Իսրայել Պետության քաղաքացիական բնակչությանը, մասնավորապես՝ Գոլանի բարձունքներում պաշտպանելու համար»։
