Վենեսուելայի տարածքում առանց երկրի իշխանությունների թույլտվության ցանկացած ռազմական գործողություն կդիտարկվի որպես ամբողջ տարածաշրջանի դեմ ագրեսիայի ակտ, հայտարարել է Կոլումբիայի նախագահ Գուստավո Պետրոն։
«Ես հրապարակավ հայտարարում եմ իմ հրամանը՝ որպես Կոլումբիայի զինված ուժերի հրամանատար։ Կոլումբիան և Վենեսուելան մեկ ժողովուրդ են, մեկ դրոշ, մեկ պատմություն։ Եղբայրական երկրների հավանության բացակայության դեպքում ցանկացած ռազմական գործողություն կլինի ագրեսիա Լատինական Ամերիկայի և Կարիբյան ավազանի դեմ», – գրել է Պետրոն X-ի իր էջում։
Ավելի վաղ The New York Times-ը, հղում անելով աղբյուրներին, հայտնել էր, որ ԱՄՆ նախագահ Դոնալդ Թրամփը գաղտնի կերպով Պենտագոնին հրահանգ է տվել սկսել ռազմական ուժ կիրառել լատինաամերիկյան թմրամիջոցների կարտելների դեմ։Ինչպես նշվում է հրապարակման մեջ, նման միջոցառումը կարող է պաշտոնական հիմք ծառայել ծովում և օտարերկրյա պետությունների տարածքում կարտելների դեմ ուղղակի ռազմական գործողություններ իրականացնելու համար։
