Համանուն պաղեստինյան հատվածի վարչական կենտրոնի՝ Գազա քաղաքի բնակչությունը պետք է լքի այն մինչև այս տարվա հոկտեմբերի 7-ը: «Մաան» լրատվական գործակալությունը հաղորդել է քաղաքի, ապա ամբողջ շրջափակված անկլավի վրա վերահսկողություն հաստատելու ծրագրի մանրամասների մասին, որն ընդունվել է Իսրայելի ռազմաքաղաքական կաբինետի կողմից:
Քաղաքի նկատմամբ վերահսկողության տարածման և ամրապնդման գործընթացը իսրայելական իշխանությունները բաժանում են երեք փուլի։ Առաջինում զգալի քանակությամբ մարդասիրական օգնություն կուղարկվի հատվածի վարչական կենտրոն՝ բնակչության կարիքները հնարավորինս կարճ ժամանակում բավարարելու համար։
Այնուհետև, երկրորդ փուլում, կսկսվի բնակիչների անմիջական «տեղափոխությունը» դեպի հատվածի հարավային շրջաններ և անկլավի կենտրոնական շրջաններում ստեղծված հատուկ վրանային ճամբարներ: Այս ժամանակահատվածը, ըստ իսրայելական իշխանությունների մտադրությունների, պետք է ավարտվի մինչև 2025 թվականի հոկտեմբերի 7-ը:
Այս ամսաթիվը նշանակված է որպես «խորհրդանշական» և համընկնում է Գազայում Իսրայելի բանակի ռազմական գործողության մեկնարկի 2-ամյակի հետ։ Երրորդ փուլը կլինի Գազա քաղաքի «լիակատար ռազմական շրջափակման» մտցնումը՝ որպես «Իսրայելի կողմից այդ հատվածում արմատական պաղեստինյան ՀԱՄԱՍ շարժման ստորաբաժանումները վերացնելու ընդհանուր ծրագրի մի մաս»։
