Համաշխարհային ավտոհսկաները կորցրել են 11.8 միլիարդ դոլար ԱՄՆ-ի կողմից սահմանված մաքսատուրքերի պատճառով։ Այս մասին հաղորդում է Wall Street Journal-ը։
Նշվում է, որ սա արտադրողների համար ամենամեծ կորուստն է կորոնավիրուսային համավարակից ի վեր։ Տուժած ընկերությունների թվում են Toyota-ն, Volkswagen-ը, Ford-ը և այլն։ Toyota-ն ամենալուրջ կորուստներն է կրել երկրորդ եռամսյակում (խոսքը ավելի քան 3 միլիարդ դոլարի մասին է)։
Հրապարակման կանխատեսումների համաձայն՝ 10 խոշորագույն արտադրողների զուտ շահույթը մինչև օրացուցային տարվա վերջը կնվազի մեկ քառորդով։ Ենթադրվում է, որ ընկերությունները ստիպված կլինեն բարձրացնել իրենց մեքենաների գները։
Մինչ այդ, Reuters-ը հայտարարել էր, որ Nissan-ը 2024 թվականի ֆինանսական տարվա վերջում, որն ավարտվել է մարտ ամսին, ակնկալում է 700-750 միլիարդ իենի կորուստ։
Ավտոընկերությունը դա բացատրում է ակտիվների արժեզրկմամբ և վերակառուցման ծախսերով։ Ավելի վաղ կանխատեսել էր տարեկան մոտ 80 միլիարդ իենի կորուստ։
Հայտնի է դարձել նաև, որ JAC ավտոմոբիլային ապրանքանիշը հսկայական կորուստներ է կրում Չինաստանում։
Թարգմանությունը՝ Euromedia24.com-ի
