Գերմանիայի կանցլեր Ֆրիդրիխ Մերցը հեռախոսազրույց է ունեցել Վլադիմիր Զելենսկու հետ, որի ընթացքում կողմերը քննարկել են Ուկրաինայում ստեղծված իրավիճակը՝ Ռուսաստանի նախագահ Վլադիմիր Պուտինի և ԱՄՆ նախագահի հատուկ ներկայացուցիչ
Սթիվ Վիտկոֆի միջև Մոսկվայում կայացած հանդիպումից հետո։ Այս մասին լրագրողներին հայտնել է Գերմանիայի կառավարության պաշտոնական ներկայացուցիչ Ստեֆան Կոռնելիուսը։
«Երկուսն էլ նշեցին ԱՄՆ նախագահի միջնորդական ջանքերը», - ընդգծել է Կոռնելիուսը: Միևնույն ժամանակ, Մերցը և Զելենսկին, ըստ նրա, պնդել են, որ Ռուսաստանը պետք է դադարեցնի հակամարտությունը Ուկրաինայում:
«Երկուսն էլ համաձայնել են սերտ կապեր պահպանել եվրոպացի գործընկերների և Միացյալ Նահանգների հետ», - ասել է Գերմանիայի կաբինետի խոսնակը՝ հավելելով, որ Մերցը ևս մեկ անգամ հավաստիացրել է Զելենսկուն իր աջակցության մեջ։
Ավելի վաղ Ռուսաստանի պետության ղեկավարի օգնական Յուրի Ուշակովը լրագրողներին հայտնել էր, որ Վիտկովին օգոստոսի 6-ի առավոտյան ընդունել է Ռուսաստանի նախագահ Վլադիմիր Պուտինը։
