Հնդկաստանի հետ հատուկ արտոնյալ ռազմավարական գործընկերության համապարփակ ամրապնդումը Ռուսաստանի համար առաջնային նշանակություն ունի, հինգշաբթի Մոսկվայում հայտարարել է Ռուսաստանի Անվտանգության խորհրդի քարտուղար Սերգեյ Շոյգուն Հնդկաստանի վարչապետի ազգային անվտանգության հարցերով խորհրդական Աջիտ Դովալի հետ աշխատանքային հանդիպման ժամանակ։
«Ռուսաստանը և Հնդկաստանը կապված են ամուր, ժամանակի փորձություն անցած բարեկամության կապերով։ Մեր երկրի համար Հնդկաստանի հետ հատուկ արտոնյալ ռազմավարական գործընկերության համապարփակ ամրապնդումը, որը հիմնված է փոխադարձ հարգանքի, վստահության, միմյանց շահերի հավասար հաշվի առնելու և միավորող օրակարգ առաջ մղելու ցանկության վրա, առաջնային նշանակություն ունի», - ասել է Շոյգուն։
