Թաիլանդի և Կամբոջայի ներկայացուցիչները Կուալա Լումպուրում կայացած բանակցություններից հետո համաձայնության են եկել սահմանային լարվածությունը կարգավորելու վերաբերյալ։
«Թաիլանդի և Կամբոջայի միջև սահմանին ստեղծված իրավիճակը կարգավորելու հանձնաժողովի նիստն ավարտվել է։
Երկու կողմերը համաձայնության եկան 13 կետից բաղկացած համաձայնագրի շուրջ՝ հրադադարի պահպանման վերաբերյալ, և երկու երկրների ներկայացուցիչները ստորագրեցին արձանագրություններ, որոնք ուղղված են սահմանին լարվածության կարգավորմանը և սահմանային գոտում խաղաղության վերականգնմանը», - ասվում է Թաիլանդի կառավարության հայտարարության մեջ X-ում։
Համաձայն համաձայնագրի տեքստի, որը հրապարակվել է Կամբոջայի մամուլի գործակալության կողմից, կողմերը համաձայնել են պահպանել լիակատար հրադադար ամբողջ սահմանի երկայնքով, զերծ մնալ ցանկացած տեսակի զենքի կիրառումից և պահպանել զորքերի ներկայիս տեղակայումը՝ առանց դրանց թվաքանակը մեծացնելու։
