ԱՄՆ նախագահ Դոնալդ Թրամփը հաստատել է, որ այսպես կոչված փոխադարձ մաքսատուրքերը ուժի մեջ կմտնեն օգոստոսի 7-ի կեսգիշերից (Մոսկվայի ժամանակով 07:00-ին):
«Մաքսատուրքերը ուժի մեջ կմտնեն կեսգիշերից», - չորեքշաբթի օրը գրել է Թրամփը Truth Social-ում։ Նա գնահատել է, որ մաքսատուրքերը «միլիարդավոր դոլարներ» կբերեն ամերիկյան տնտեսություն, հիմնականում այն երկրներից, որոնք տարիներ շարունակ չարաշահել են «առևտրային հարաբերությունները Միացյալ Նահանգների հետ»։
Օգոստոսի 1-ին Թրամփը ստորագրեց գործադիր հրամանագիր, որով 15%-ից մինչև 41% մաքսատուրքեր սահմանվեցին ավելի քան 60 երկրների և Եվրամիության նկատմամբ: Ամենաբարձր մաքսատուրքերը սահմանվեցին այնպիսի երկրների վրա, ինչպիսիք են Սիրիան (41%), Լաոսը (40%), Մյանման (40%), Շվեյցարիան (39%), Իրաքը (35%) և Սերբիան (35%):
