Հնդկաստանի վարչապետ Նարենդրա Մոդին կայցելի Չինաստան՝ մասնակցելու Շանհայի համագործակցության կազմակերպության տարածաշրջանային կարևոր գագաթնաժողովին, հաղորդում է հնդկական NDTV հեռուստաալիքը։
Սա Հնդկաստանի վարչապետի առաջին այցն է հարևան երկիր 2020 թվականի մայիսին հնդիկ և չինացի զինվորների միջև տեղի ունեցած բախումներից ի վեր։
«Վարչապետ Մոդին Գալվանի բախումից հետո առաջին անգամ կայցելի Չինաստան՝ մասնակցելու Շանհայի համագործակցության կազմակերպության (ՇՀԿ) կարևոր տարածաշրջանային գագաթնաժողովին», - հաղորդել է հեռուստաալիքը։
Հնդկաստանն ու Չինաստանը երկարատև տարածքային վեճ ունեն Արունաչալ Պրադեշ նահանգի հյուսիսարևելյան մասում գտնվող գրեթե 60,000 քառակուսի կիլոմետր տարածքի, ինչպես նաև Քաշմիրի հյուսիսում գտնվող լեռնային տարածքի մի մասի շուրջ։
Իրական վերահսկողության գիծը, որը ծառայում է որպես սահման այս տարածաշրջանի երկրների միջև, անցնում է Լադախի բարձրլեռնային շրջանով։ 1962 թվականի աշնանը վեճը վերաճեց սահմանային պատերազմի։
