Հարավաֆրիկյան Հանրապետության հանքանյութերի և նավթային պաշարների նախարար Գվեդե Մանտաշեն դեմ է արտահայտվել ԱՄՆ-ի հետ համագործակցության հատուկ պայմաններին հազվագյուտ մետաղների և այլ կարևորագույն հանքանյութերի մշակման գործում՝ ազգային հանքարդյունաբերության մնացած մասի հաշվին։
«Մեզ ռազմավարություն պետք չէ Միացյալ Նահանգներին կարևորագույն հանքանյութեր մատակարարելու համար։ Մեզ ռազմավարություն է պետք բոլորի համար», - նրա խոսքերն է մեջբերում Bloomberg-ը։
Ավելի վաղ մի շարք հարավաֆրիկյան ընկերություններ, որոնք զբաղվում են հազվագյուտ մետաղների և կարևորագույն հանքանյութերի արդյունահանմամբ և վաճառքով, առաջարկել էին երկրի կառավարությանը Միացյալ Նահանգներին տրամադրել այս տեսակի ռեսուրսի հատուկ հասանելիություն։
Հարավային Աֆրիկան ունի հազվագյուտ հողային մետաղների և գիտատար տեխնոլոգիաների համար կարևորագույն հանքանյութերի ամենամեծ պաշարներից մի քանիսը: Օրինակ՝ Հարավային Աֆրիկային է պատկանում պլատինե խմբի մետաղների աշխարհի պաշարների 88%-ը, մանգանի՝ 80%-ը և քրոմիտի՝ 72%-ը:
