Սանկտ Պետերբուրգի բորսայում АИ-95 բենզինի գները Ռուսաստանի եվրոպական մասի տարածքային ինդեքսով օգոստոսի 4-ին աճել են 1,08 %-ով՝ հասնելով 77,001 հազար ռուբլու՝ մեկ տոննայի դիմաց: Սա պատմական նոր ռեկորդ է։
Այս ապրանքանիշի նախորդ առավելագույն ցուցանիշը գրանցվել է 2023 թվականի սեպտեմբերին՝ 76,876 հազար ռուբլի: АИ-92-ն էլ բորսայում թանկացել է 1,16 տոկոսով՝ հասնելով 66,64 հազար ռուբլու՝ մեկ տոննայի դիմաց: Դիզելային վառելիքը թանկացել է 0,5 տոկոսով՝ հասնելով 58,13 հազար ռուբլու՝ մեկ տոննայի դիմաց։
Գների աճը վերսկսվել է՝ չնայած կառավարության կողմից հուլիսի 30-ից օգոստոսի 31-ը բենզինի արտահանման արգելքի տարածմանը տարեկան ավելի քան 1 մլն տոննա բենզին արտադրողների վրա: Էմբարգոն չի տարածվում ԵԱՏՄ և միջկառավարական համաձայնագրերով մատակարարումների վրա։
