Պետդումայի ընտանիքի պաշտպանության, հայրության, մայրության և մանկության հարցերով հանձնաժողովի առաջին փոխնախագահ Տատյանա Բուցկայան («Եդինայա Ռոսիա») նամակ է ուղարկել Ռոսպոտրեբնադզորի ղեկավար Աննա Պոպովային՝ խնդրելով գնահատել և մշակել օրենսդրական փոփոխություններ ալկոհոլային փաթեթավորմամբ կոնֆետների վաճառքի հարցի վերաբերյալ: Այս մասին հաղորդում է ՏԱՍՍ-ը՝ հղում անելով փաստաթղթին:
Խորհրդարանականի խոսքով՝ ինքը Մոսկվայի մարզի բնակչուհուց դիմում է ստացել այն մասին, որ խանութների ցանցում վաճառվում են մուգ գարեջրի հիմքով լցոնված կոնֆետներ, որոնց փաթեթավորումը ոճավորված է գարեջրի տարայի տեսքով: Բուցկայան նշել է, որ նման փաթեթավորմամբ կոնֆետների վաճառքը հակասում է սպառողների պաշտպանության մասին օրենքին:
Պատգամավորը հավելել է, որ նման ապրանքների վաճառքը կարող է դրական ասոցիացիաներ առաջացնել երեխաների մոտ ալկոհոլի հետ:
Մինչ այդ, Սանկտ Պետերբուրգի Օրենսդիր ժողովի պատգամավոր Պավել Կրուպնիկը հայտարարել է, որ ռուսական խանութներում էներգետիկ ըմպելիքները պետք է վաճառվեն սովորական գազավորված ըմպելիքներից առանձին, քանի որ դա կընդգծի դրանց առողջության համար վտանգավոր լինելը: Նրա խոսքով՝ այսօր էներգետիկ ըմպելիքները երեխաների և դեռահասների առողջության համար հիմնական վտանգներից մեկն են:
Թարգմանությունը՝ Euromedia24.com-ի
