Իսպանիայի կառավարությունը կտրականապես դեմ է Գազայի հատվածի հնարավոր «անօրինական անեքսիային», հայտարարել է թագավորության արտաքին գործերի նախարար Խոսե Մանուել Ալբարեսը։
Նրա կարծիքով՝ «Եվրամիությունը չափազանց քիչ բան է արել և չափազանց ուշացած»։ «Իսպանիան վճռականորեն մերժում է Գազայի կամ Հորդանան գետի Արևմտյան ափի անօրինական անեքսիայի ցանկացած հնարավորություն», - ասել է դիվանագետը Onda Cero ռադիոկայանին տված հարցազրույցում։
Արտաքին գործերի նախարարը կրկին կոչ է արել կասեցնել ԵՄ-Իսրայել ասոցացման համաձայնագիրը: Նախարարի խոսքով՝ հրեական պետությունը «շատ լուրջ հանցագործություններ է կատարում» Գազայում:
Ինչպես ավելի վաղ հայտնել էր Ynet պորտալը, Իսրայելի կառավարությունը՝ վարչապետ Բենիամին Նեթանյահուի գլխավորությամբ, պատրաստվում է հաստատել Գազայի հատվածի լիակատար օկուպացիայի անցնելու ծրագրերը։
