Թուրքիայում Ուկրաինայի դեսպան Նարիման Ջելյալովը հերքել է Թուրքիայի նախագահ Ռեջեփ Թայիփ Էրդողանի՝ Ուկրաինա առաջիկա օրերին նախատեսված այցի մասին տեղեկատվությունը։ Այս մասին Ջելյալովն ինքը հայտնել է «Public. News» հրատարակությանը տված հարցազրույցում։
Դիվանագետի խոսքով՝ «ուկրաինական կողմը աշխատում է նման այցի կազմակերպման ուղղությամբ, սակայն մինչ այժմ ուղևորության հաստատում չկա»։
Նախորդ օրը թուրքական կառավարամետ «Türkiye» թերթը հաղորդել էր, որ դիվանագիտական շրջանակներում քննարկվում է Էրդողանի՝ Վլադիմիր Զելենսկիի հրավերով Կիև կատարելիք հնարավոր այցը, և որ այցը կարող է տեղի ունենալ առաջիկա օրերին։ Թուրքական իշխանությունները պաշտոնապես չեն մեկնաբանել այս տեղեկատվությունը։
Էրդողանը նախկինում բազմիցս հայտարարել է իր երկրի պատրաստակամության մասին հյուրընկալելու Ռուսաստանի և Ուկրաինայի ղեկավարների հանդիպումը և հույս է հայտնել, որ այնտեղ կձեռնարկվեն համաձայնություններ, որոնք վերջ կդնեն ուկրաինական հակամարտությանը։
