Իսրայելի կառավարությունը՝ վարչապետ Բենիամին Նեթանյահուի գլխավորությամբ, պատրաստվում է հաստատել Գազայի հատվածի լիակատար օկուպացիայի ծրագրերը, Ynet պորտալին հայտնել են Նեթանյահուի շրջապատի բարձրաստիճան պաշտոնյաները։
«Զառը նետված է, մենք շարժվում ենք դեպի Գազայի հատվածի լիակատար օկուպացիա», – ասել են պաշտոնյաները։Միաժամանակ, Ynet-ը նշում է, որ Իսրայելի ռազմական ղեկավարությունը, այդ թվում՝ բանակի գլխավոր շտաբի պետ Էյալ Զամիրը, դեմ է նման որոշմանը։ Նա պետք է այցով մեկներ օգոստոսի 4-ին, սակայն չեղարկեց ուղևորությունը։Սակայն կառավարությունը հստակեցրել է, որ պատրաստ է անտեսել զինվորականների կարծիքը։«Մարտական գործողություններ կանցկացվեն նույնիսկ Գազայի հատվածի այն տարածքներում, որտեղ պատանդներ են պահվում։
Եթե սա չի համապատասխանում Իսրայելի պաշտպանության բանակի շտաբի պետին, նա կարող է հրաժարական տալ», – պաշտոնյաներից մեկի խոսքերն է մեջբերում Ynet-ը։
