Իսրայելի արտաքին գործերի նախարար Գիդեոն Սաարը հայտարարել է, որ երկուշաբթի օրը կմեկնի Նյու Յորք՝ ՄԱԿ-ի Անվտանգության խորհրդում ելույթ ունենալու և Գազայի հատվածում պաղեստինյան ՀԱՄԱՍ շարժման կողմից պատանդների հետ կապված իրավիճակը քննարկելու համար։
Մերձավոր Արևելքի կարգավորմանը և Պաղեստինի պետության ճանաչման հեռանկարներին նվիրված համաժողովը սկսվել է երկուշաբթի օրը Նյու Յորքի ՄԱԿ-ի կենտրոնակայանում։ Այն նախագահել են Ֆրանսիան և Սաուդյան Արաբիան։
«Այսօր երեկոյան ես կմեկնեմ Նյու Յորք՝ մասնակցելու ՄԱԿ-ի Անվտանգության խորհրդի նիստին, որը նախատեսված է վաղը և նվիրված կլինի պատանդների իրավիճակին», - ասել է Սաարը մամուլի ասուլիսի ժամանակ։
Իր ելույթում Սաարը շեշտել է, որ Համասը դեռևս 50 պատանդ է պահում, որոնց սովամահ են անում և տանջում։ Քաղաքական գործիչը պնդում է, որ արմատականները քաղաքացիական անձանց առևանգել են իրենց պայմանները պարտադրելու համար, ուստի միջազգային հանրությունը պետք է վերջ դնի նման վտանգավոր երևույթներին։
