Եմենի ափերի մոտ միգրանտներ տեղափոխող նավակի խորտակման հետևանքով զոհերի թիվը հասել է 76-ի, հաղորդում է Agence France-Presse-ը՝ հղում անելով պաշտոնյաներին։
Ավելի վաղ Associated Press-ը հայտնել էր 68 զոհի մասին։
«Եմենի անվտանգության պաշտոնյաները հայտնել են, որ Ադենի ծոցում նավաբեկության ժամանակ հայտնաբերվել է 76 դիակ», - ասվում է հայտարարության մեջ։
Գործակալության աղբյուրների փոխանցմամբ՝ ծառայություններին հաջողվել է փրկել 32 մարդու։
Ավելի վաղ «Սինհուա» լրատվական գործակալությունը, հղում անելով եմենական աղբյուրներին, հայտնել էր, որ Եմենի հարավում գտնվող Աբյան նահանգի ափերի մոտ Աֆրիկայից մոտ 150 միգրանտ տեղափոխող նավի խորտակման հետևանքով զոհվել է ավելի քան 20 մարդ, տասնյակներն էլ անհետ կորել են։
