Պետդումայում հայտարարել են՝ Ադրբեջանը Հարավային Կովկասում Ռուսաստանի շահերի դեմ թշնամական քաղաքականություն է վարում

Ռուսաստանը չի եղել Ադրբեջանի հետ հարաբերությունների սրման նախաձեռնողը, և դրանց կարգավորման հարցը կարող է լուծվել ցանկացած պահի, կարծում է Պետդումայի ԱՊՀ հարցերով հանձնաժողովի փոխնախագահ Կոնստանտին Զատուլինը։ Նա իր կարծիքը հայտնել է Lenta.ru-ի հետ հարցազրույցում։

«Հարաբերությունները կագավորել է կարելի է և պետք է, բայց ոչ մի դեպքում չպետք է հույս դնել «Ադրբեջանը Ռուսաստանի դաշնակիցն է» քիմերայի վրա, քանի որ դա այդպես չէ»,– ասել է նա։

«Երկրորդ՝ հարաբերությունների կարգավորումը ենթադրում է ազգային շահերից հրաժարում: Եթե դա իրապես այդպես է Ադրբեջանի համար, որը ամենուրեք ընդգծում է, որ իր ազգային շահերը վեր են ամեն ինչից, ապա մեզ համար, իր հերթին, Ռուսաստանի ազգային շահերը վեր են [Ադրբեջանի նախագահ Իլհամ] Ալիևին գովաբանելու կամ Ադրբեջանի օրինակին հետևելու անհրաժեշտությունից, անկախ նրանից, թե նա ինչ է անում», - կիսվել է խորհրդարանականը: Ադրբեջանը Հարավային Կովկասում վարում է Ռուսաստանի շահերի դեմ թշնամական քաղաքականություն, որը պետք է հաշվի առնել և հակազդել, նշել է Զատուլինը:

«Ես կասեի, որ դրանում է բանաձևը։ Մենք «կողմ» ենք կարգավորմանը, բայց չպետք է վերադարձ լինի այն ժամանակներին, երբ լրատվական գործակալություններում կամ որևէ այլ տեղ մարդիկ կային, որոնք ապակողմնորոշում էին երկրի ղեկավարությանը, պատմում էին Ադրբեջանի հետ դաշինքի մասին հեքիաթներ։ Ավելին, ինձ թվում է, որ ճիշտ կլինի պարզել, թե ով է դա արել չմտածված, իսկ ով՝ շահադիտական նպատակներով։ Կային նաև այդպիսիք», - եզրափակել է քաղաքական գործիչը։