Հայաստան-Վրաստան սահմանին զբոսաշրջային հերթեր են։ Այդ մասին Ֆեյսբուքում տեսանյութին կից գրել է էկոնոմիկայի նախարար Գևորգ Պապոյանը։
«Հա ժողովուրդ ջան, եթե ուզում ենք ունենալ շատ զբոսաշրջիկներ, ի թիվս այլ քայլերի, պետք է ոչ թե 10 տարին մեկ Հայաստան գան համաշխարհային աստղեր, այլ տարին մի քանի անգամ։ Ու հա, համաշխարհային աստղերն էլ մի քանի միլիոն դոլարով են ելույթ ունենում»,- գրել է նա։
Նշենք, որ այսօր Երևան է ժամանել Ջենիֆեր Լոպեսը։ Նրա հյուրընկալության ծախսերը կազմում են 6 միլիոն դոլար, այդ թվում 37 հազար դոլար՝ նրա երկօրյա սննդին, 185 հազար դոլար՝ հյուրանոցներին, 2.5 միլիոն դոլար հոնորար: Այդ բոլոր ծախսերը վճարվելու է հարկատուների հաշվին, ինչը հանրային ընդհանուր դժգոհություն է առաջացրել։
