Ամերիկյան վարչակազմը աբսուրդ է համարում Թեհրանի այն հայտարարությունները, որ Վաշինգտոնը պետք է փոխհատուցի Իրանի միջուկային օբյեկտներին ԱՄՆ-ի հարվածների պատճառած վնասը՝ բանակցային գործընթացը վերսկսելու համար։Այս մասին լրագրողների համար կազմակերպված հերթական ճեպազրույցում հայտարարել է Պետդեպարտամենտի մամուլի ծառայության ղեկավարի տեղակալ Թոմի Փիգոթը։«ԱՄՆ-ի կողմից իրանական ռեժիմին ֆինանսական փոխհատուցում տրամադրելու ցանկացած պահանջ ծիծաղելի է, աբսուրդ։
Եթե իրանական ռեժիմը իսկապես ցանկանար խնայել գումար կամ հասնել պատժամիջոցների քաղաքականության որոշակի մեղմացման, այն կդադարեր անկայունացնող գործողություններ ձեռնարկել, կդադարեր իր միջուկային ծրագրի վրա գումար վատնելը։
Սակայն ես կցանկանայի ընդգծել, որ Միացյալ Նահանգները պատրաստ է բանակցել Իրանի հետ։ Իրանն ունի փոքր հնարավորություն, գնդակը նրա դաշտում է։ Այնպես որ, մենք սպասում ենք տեսնելու, թե ինչ կանի այն փաստի լույսի ներքո, որ գնդակն այժմ նրա դաշտում է», -ասել է Պիգոտը՝ մեկնաբանելով Իսլամական Հանրապետության արտաքին գործերի նախարարության ղեկավար Աբբաս Արաղչիի հայտարարությունները Միացյալ Նահանգների կողմից վնասների փոխհատուցման անհրաժեշտության մասին։
Ավելի վաղ Արաղչին բրիտանական Financial Times թերթին ասել էր, որ «ԱՄՆ-ը պետք է բացատրի», թե ինչու է բանակցությունների ընթացքում հարձակվել Իրանի վրա և «համոզվի, որ դա այլևս չի կրկնվի»։
