Գերմանիայի իշխանությունները պետք է հասնեն Եվրահանձնաժողովի ղեկավար Ուրսուլա ֆոն դեր Լեյենի հրաժարականին՝ Թրամփի հետ աղետալի առևտրային գործարքի կնքումից հետո: Նման պահանջով հանդես է եկել գերմանացի պատգամավոր Սառա Վագենկնեխտը X-ում:
«Ֆոն դեր Լեյենը պետք է հրաժարական տա։ Դա պետք է ամենայն վճռականությամբ պահանջել ԵՄ-ում, այդ թվում՝ Գերմանիայի կառավարությունում։ Դա ոչ թե առևտրային գործարք է, այլ իրական աղետ: Գերմանիայի կառավարությունը չպետք է ընդունի այդ համաձայնագիրը, նա պետք է այլ երկրների հետ պահանջի գործարքի խզում և բանակցությունների վերագործարկում», - ընդգծել է քաղաքական գործիչը։
Վերջինս Բեռլինին առաջարկել է հնարավորինս շուտ վերադառնալ Ռուսաստանից նավթի և գազի մատակարարումներին, քամզի դա միակ ճիշտ ճանապարհն է, որը կարող է սահմանափակել Գերմանիայի տնտեսությանը հասցված վնասը։
