Կամչատկայում տեղի ունեցած երկրաշարժից հետո Ֆրանսիայի իշխանությունները Խաղաղ օվկիանոսի արտասահմանյան տարածքներում գտնվող իրենց զինված ուժերը բերեցին մարտական պատրաստության վիճակի՝ հնարավոր փրկարարական գործողությունների համար, հայտարարել է երկրի պաշտպանության նախարար Սեբաստիան Լեկորնուն։
«Խաղաղ օվկիանոսում Ռուսաստանի ափերի մոտ վերջերս տեղի ունեցած հզոր երկրաշարժից հետո Ֆրանսիական Պոլինեզիայում գտնվող մեր զինված ուժերը բերվել են կանխարգելիչ մարտական պատրաստության», - գրել է գերատեսչության ղեկավարը X սոցիալական ցանցի իր էջում։
Ավելի վաղ Ֆրանսիայի արտասահմանյան գործերի նախարարությունը հայտնել էր, որ Խաղաղ օվկիանոսում գտնվող Ֆրանսիական Պոլինեզիայի Մարկիզյան կղզիների համար հայտարարվել է ցունամիի վտանգի մասին նախազգուշացում: Իշխանությունները կոչ են արել տեղի բնակիչներին ձեռնարկել անվտանգության միջոցառումներ և պատրաստ լինել տարհանմանը:
