Բելլա Հադիդը հայտնվել է Կաննի կինոփառատոնին՝ The Apprentice ֆիլմի պրեմիերայի ժամանակ:
Մոդելը կարմիր գորգի վրա քայլել է Saint Laurent-ի՝ 2024 թ-ի աշնանային հավաքածուի թափանցիկ զգեստով: Ինչպես պոդիումի շատ կերպարներ, նրա զգեստը լիովին թափանցիկ էր եւ պատրաստված էր թափանցիկ, առաձգական նյութից, որը հիշեցնում էր զուգագուլպա: Նա իր տեսքը լրացրել էր Saint Laurent-ի La Scandale կոշիկներով, իսկ մազերը հարդարել հին հոլիվուդյան ոճով:
Դեռեւս փետրվարին խոսելով հավաքածուի մասին, երբ այն հայտնվել էր քննադատների ուշադրության կենտրոնոյմ, դիզայներ Էնթոնի Վակկարելոն պնդել է, որ պոդիումների ցուցադրությունները ֆանտազիայի, այլ ոչ թե իրականության մասին են: «Ես ուզում էի առաջարկել մի բան, որը նախկինում չէր արվել, եւ դա ինձ ոգեւորում է: Իմ գործը միշտ չէ, որ իրատեսական ինչ-որ բան անելն է»:
