Ուկրաինայի պատվիրակությունը ժամանել է Թուրքիա՝ մասնակցելու այսօր երեկոյան Ստամբուլում նախատեսված բանակցություններին։ Այս մասին իր Telegram ալիքում հայտնել է Գերագույն ռադայի պատգամավոր Ալեքսեյ Գոնչարենկոն:
Գոնչարենկոն պնդում է, որ Ուկրաինայի ներկայացուցիչները նախ հանդիպումներ կունենան Անկարայում։ Նա չի մանրամասնում, թե կոնկրետ ում հետ։ Այնուհետև պատվիրակությունը կմեկնի Ստամբուլ, որտեղ սպասվում են շփումներ ռուսական կողմի հետ։
Ինչպես ավելի վաղ հայտնել էր Ռուսաստանի նախագահի մամուլի քարտուղար Դմիտրի Պեսկովը, Ռուսաստանի և Ուկրաինայի պատվիրակությունների միջև բանակցությունների երրորդ փուլը պետք է տեղի ունենա հուլիսի 23-ի երեկոյան Ստամբուլում։
