Վլադիմիր Զելենսկին, հղում անելով Ուկրաինայի Ազգային անվտանգության և պաշտպանության խորհրդի ղեկավար Ռուստեմ Ումերովի հայտարարությանը, նշել է, որ Ռուսաստանի և Ուկրաինայի պատվիրակությունների հաջորդ հանդիպումը նախատեսված է հուլիսի 23-ին Թուրքիայում:
«Այսօր ես Ռուստեմ Ումերովի հետ քննարկել եմ գերիների փոխանակման նախապատրաստական աշխատանքները և ռուսական կողմի հետ ևս մեկ հանդիպում Թուրքիայում։ Ումերովը նշել է, որ հանդիպումը նախատեսված է չորեքշաբթի օրը։ Ավելի մանրամասն տեղեկատվություն կներկայացվի վաղը», – ասել է Զելենսկին իր երեկոյան տեսաուղերձում։
Ավելի վաղ, իր Telegram ալիքում տեղադրված տեսաուղերձում նա ասել է, որ ռուսական կողմին այս շաբաթ բանակցությունների նոր փուլ անցկացնելու առաջարկը ներկայացրել է Ստամբուլում կայացած բանակցություններում Կիևի պատվիրակության ղեկավար Ումերովը։
