Գազայի հատվածում սովը հասել է աղետալի չափերի՝ Իսրայելի կողմից անկլավի շարունակական շրջափակման պատճառով, ասվում է պաղեստինյան արմատական ՀԱՄԱՍ շարժման հայտարարության մեջ, որը հրապարակվել է իր Telegram ալիքում։
«Սովը Գազայում հասել է աղետալի մակարդակի՝ սիոնիստական բանակի կողմից շարունակվող խեղդող շրջափակման պատճառով։
«Գազայի ժողովրդի համար սովի որպես զենքի օգտագործումը և կենսական անհրաժեշտություններից զրկելը ֆաշիստական օկուպացիոն կառավարության կողմից որպես ցեղասպանության գործիք, որը շարունակվում է ավելի քան 21 ամիս, ժամանակակից պատմության մեջ անմեղ երեխաների և խաղաղ բնակիչների դեմ ուղղված ամենասարսափելի հանցագործություններից մեկն է», - ասվում է հայտարարության մեջ։
ՀԱՄԱՍ-ը կոչ է արել միջազգային հանրությանը անհապաղ քայլեր ձեռնարկել Իսրայելի կողմից շրջափակումը վերացնելու համար։
«Մենք պահանջում ենք արաբ-իսլամական երկրներից և ՄԱԿ-ից անհապաղ գործողություններ ձեռնարկել՝ շրջափակումը վերացնելու, սննդի և մարդասիրական օգնության անարգել մուտքն ապահովելու և զանգվածային սպանությունները, ցեղասպանությունն ու սովը դադարեցնելու համար», - ընդգծում է պաղեստինյան շարժումը։
