Իսրայելի պաշտպանության նախարար Իսրայել Կացը սպառնացել է «ցավոտ հարվածներով», եթե Սիրիայի կառավարությունը չդադարեցնի Սիրիայի Արաբական Հանրապետության հարավային Սուվեյդա շրջանում դրուզ համայնքի վրա հարձակումները։
«Դամասկոսին ուղղված նախազգուշացումներն ավարտվել են, հիմա ցավոտ հարվածներն են գալու։ Իսրայելի պաշտպանության բանակը կշարունակի ուժով գործել Սուվեյդայի տարածքում մինչև դրուզների վրա հարձակված ուժերը լիովին ոչնչացվեն և մինչև նրանք լիովին նահանջեն», - ասել է Կացը, ինչպես մեջբերում է Պաշտպանության նախարարության մամուլի ծառայությունը։
