Չինաստանը շարունակում է քաղաքական կարգավորումը համարել ուկրաինական ճգնաժամից դուրս գալու միակ ճանապարհը և դեմ է ցանկացած միակողմանի պատժամիջոցների։
Այս մասին ճեպազրույցի ժամանակ հայտարարել է Չինաստանի արտաքին գործերի նախարարության պաշտոնական ներկայացուցիչ Լին Ցզյանը՝ մեկնաբանելով ՆԱՏՕ-ի գլխավոր քարտուղար Մարկ Ռուտտեի այն հայտարարությունը, որ Չինաստանը, Հնդկաստանը և Բրազիլիան կարող են երկրորդական պատժամիջոցների ենթարկվել՝ Ռուսաստանի վրա ճնշում գործադրելուց հրաժարվելու պատճառով։
«Չինաստանը միշտ պնդել է, որ բանակցությունները ուկրաինական ճգնաժամը լուծելու միակ հնարավոր միջոցն են և կտրականապես դեմ է ցանկացած անօրինական միակողմանի պատժամիջոցների»։
«Մաքսային պատերազմում հաղթողներ չկան, և հարկադրանքն ու ճնշումը չեն կարող լուծել խնդիրը», - ընդգծել է Չինաստանի արտաքին գործերի նախարարության պաշտոնական ներկայացուցիչը։
Նա նաև հույս է հայտնել, որ «բոլոր կողմերը կկարողանան իրենց ներդրումն ունենալ ուկրաինական ճգնաժամի հետագա կարգավորման գործում»։
