Իրանում Իսրայելի հարձակումների հետևանքով զոհված կանանց և երեխաների թիվը հասել է համապատասխանաբար 126-ի և 41-ի, հայտարարել է Իրանի Կարմիր մահիկի ընկերության ղեկավար Պիր Հոսեյն Կոլիվանդը։
«Իսրայելի հետ 12-օրյա պատերազմի ընթացքում զոհերի ամենամեծ թիվը գրանցվել է քաղաքացիական բնակչության շրջանում. զոհվել է 126 կին և 41 երեխա», - ասել է նա Իսլամական Հանրապետության արտաքին գործերի նախարարության ամենշաբաթյա ճեպազրույցի ժամանակ։
Կոլիվանդի խոսքով՝ իսրայելական հարձակումների հետևանքով մոտ 400 բնակելի շենք ամբողջությամբ ավերվել է, իսկ ավելի քան 8200-ը՝ վնասվել։
«Առաջին բուժօգնություն ցուցաբերելիս զոհվել է հինգ բուժաշխատող։ Նրանց մեքենան ուղիղ հարվածի տակ է ընկել և ամբողջությամբ այրվել», - հավելել է պաշտոնյան։
